Giro paregabean gozatu zuten jaiaz bertaratutakoek. Berdintasuna elkarteak antolatuta, herriko kultura elkarteen eta Udalaren elkarlanarekin, ekitaldiak ugariak izan ziren: dianak, artisautza feria, kalejira, zanpantzarrak, erraldoi eta buruhandiak, dantzariak, txistularia, gaiteroak, Euskal Jaia (dantzak, Ardanbera fanfarrea, Anorexia, pailazoak, txalaparta, graffitiak, eta abar), herri bazkaria, txikienentzako Trikuharri taldearen ikuskizuna, herri kirolak eta Betagarri taldearen kontzertua. Gainera, jai giroan, aldarrikapenerako tartea ere egon zen, zonalderako institutu berri baten eskaera presente egon baitzen. Beste aldetik, Europako zortzi ordezkarik hartu zuten parte Uharten Milakabilakari atxikimendua adierazteko ekitaldian.