Haur eta gaztetxoek badute zer egin beren aisialdian. Alde batetik, L.H. 3, 4 eta 5. mailako haurrek Larunblai dute aukeran; L.H.ko 6 mailako gazteek aldiz, Jauzi aisialdi talde berrian parte hartu dezakete; Azkenik, 12 urtetik 16ra bitarteko gazteek Iseka aisialdi taldeko partaide egin daitezke.

Larunblai

Kurtso hasierarekin batera berriro jarriko da martxan Larunblai. Eskulanak, jolasak, kanpaldiak… ekimen ugari egiten dira. Gainera, lagun berriak egiteko aukera paregabea da. Larunbatetan izaten da, azaroaren 10etik maiatzaren 31ra bitartean. L.H. 3, 4 eta 5. mailako haurrei zuzendutako ekimena da. Izena emateko epea urriaren 20an bukatzen da. Izena emateko edota informazio gehiago eskuratzeko, Karrikaluze elkartera joan daitezke interesatuak (Ribed parkea 1 behea). Telefonoz ere badago horretarako aukera: 948 35 57 39.

Jauzi aisialdi talde berria

Hasi berri den kurtsoan badago ekimen berri bat: Jauzi aisialdi taldea. L.H.ko 6 mailako gazteek hartu dezakete horretan. Ekintza ugari egingo dituzte parte hartzaileek kurtsoan zehar: tailerrak, eskiatzera joan, kirolak, eskulanak… Gazteek proposatutako ekintzak ere izango dute lekua saioetan. Hitzordua larunbatetan izango da, 16.30 hasi eta 18.30era. Izena emateko Karrikaluze elkartean egin behar da eta horretarako epea urriaren 20an bukatuko da. Informazio gehiago elkartean lortu dezake nahi duenak.

Iseka aisialdi taldea

12 eta 18  urte bitarteko gazteentzako da Iseka aisialdi taldea. Ateraldiak, kanpaldiak, ikastaroak… Ekintza anitz egingo dituzte kurtsoan zehar, asteburuetan. Atarrabia eta inguruko herrietako gazteek parte hartu dezakete. Arduradunek laster banatuko dute informazioa, postal bidez. Bestela, Karrikaluze elkartera joan eta bertan eskuratu ahalko da.